भारताचा वेगवान गोलंदाज आणि लॉर्ड नावाने प्रसिद्ध असलेल्या शार्दुल ठाकुरने गर्लफ्रेंड मिताली परुळकरसोबत मुंबईत साखरपुडा केला आहे. दोघांच्या साखरपुड्याचे फोटो आणि व्हिडिओ सोशल मीडियावर व्हायरल होत आहेत. वांद्रे-कुर्ला कॉम्प्लेक्समध्ये हा सोहळा पार पडला. या कार्यक्रमाला फक्त जवळचे कुटुंबीयच उपस्थित होते. पुढील वर्षी ऑस्ट्रेलियात होणाऱ्या टी-२० विश्वचषकानंतर हे दोघे लग्न करणार असल्याची माहिती समोर आली आहे.

सध्या वर्कलोड मॅनेजमेंटचा भाग म्हणून शार्दुलला बीसीसीआयने विश्रांती दिली आहे. शार्दुल टीम इंडियाकडून तिन्ही फॉरमॅटमध्ये खेळला आहे. त्याने भारतासाठी आतापर्यंत ४ कसोटी, १५ एकदिवसीय आणि २४ टी-२० सामने खेळले आहेत. शार्दुलने अलीकडच्या काळात आपल्या फलंदाजीनेही सर्वांना प्रभावित केले आहे.